Capítulu I:"Faigo lo que quiero, llueu nun esisto"

Faciendo un par de güeyaes a la psicoloxía entama too esto. Falando del comportamientu humanu, del so pensar, del so querer, de les sos aiciones.

Que quier: L'home ta fechu dende tiempos vien atrás pa querer too eso que nun ta al so alcanze, to eso qu'amque nun merezca la pena, seya bienvenio comu un triunfu, daqué qu'haigas algamao con meritos propios. Un reconocimientu propiu, eso ye lo que busca'l ser humanu, qu'él mesmu, nel so interior sientase perbién col fechu que fizo.

Dientru d'esti apartau puen abrise quicias tres frentes, el de lo que depués nun quies, el de lo que acaba prestándote, ya'l de lo qu'en rialidá queries.

Proviniendo d'un humanu ye de rellativa normalidá el fechu d'entamar pol caberu dichu, poro indico: Evidentemente anque quicias de les que menos ocasiones asoceden, pué ser que'l individu haiga tenia razón escoyendo, y de verdá quiera eso que quería. Dientro de la total impulsividá de la persona comu tal, ye un casu braeramente en función de desapaición.

Depués, ta el de que fina prestándote. Esti pué ser a la escontra del otru el más normalizau. De nuevu a la vera del encaprichamientu daqué presta abondo , y en ello tas, a la gueta d'un nuevu trofeu, reconocimientu, o lo que seya... pero cuandu llegues, ya nun yes capaz de dar la vuelta p'atrás... porque además d'impulsivos, somos un pocu sunormales.

Y pa finar, los que llegues y das la vuelta. Concienciau, atentu, ensin dar opción, diceslo y faeslo. Encaprichome, voi, venzo, y de nuevu a la mio posición inicial. Esti namai suel pasar a la xente que lo tien ya vezo, anque bono, too'l mundu tien que deprender dalguna vegada. O xente polo contrario que tien una fuercia de voluntá, que si quier podría mover la torre eiffel enantes de que D.Copperfild la pudiera facer desapaecer.

Que pué: ¿Qué vamos facer?... Infinidá de posibilidaes tien la raza humana, pero toes elles sedrán pa impedir milenta coses.

Una persona "pué" facer tolo que quiera, siempres y cuandu nun entremos más afondu nel tema poder. Llega a nós, esa antenina que indica que too lo que faes pué tener unes consecuencias pernegatives, n'otres persones, nun futuru, nun presente, nunes rellaciones, etc... Poro too queda llimitao, la xente ta condenao a facer lo que nun modifique'l mundu, tamien conociu per entornu.

Que fae: Esta ye la pior carauterítica de la xente. Cualesquier persona siempres fae les coses, nel pior momentu, na pior situación, nel pior llugar, dexandolo too entrastiao pates enriba, de tal mou que tolos pasos anteriores dexen del valer pa na... ¿y entos?... tornar a entamar...

Agora ye cuandu poneste a l.lorar, ¿nun vos pasa?.. ¿non?... recuerda: too a la mierda, si, too a la mierda... nun me digais que sois nuevos n'esto.
¿y depues d'esto?... depués d'esto... otra, otra otra otra otra... y con un pocu suerte namai qu'otru par d'elles...

Poro y pa finar. Too va salir mal, de cualesquiera de les formes... pues ca ún colo suyo.. y viva la impulsividá.