Celyando ente dinosaurios...

Cansau, frayau de ¿tantu estudiar?, non dexuru que d'eso non ye.
Coyo l'autocar comu cualesquier otru dii (dende que'l porbetón del Kadett frisco morrió, anque creo qu'agora averase una furgoneta pa mio pa, que me la pué emprestar), nun pienso, ya ye tardi, pero milenta coses faenme pensar.

Sientome detrás, soi d'esos si... nun autocar siempres pa la partera culera, que quiero ver bien tolo qu'asocede en delantre de mio.

Una siñora, punxi-y unos sesentaimunchos... espera pela so parada faciendo dibuxos escontra la cristalera del autobus, que col díi que taba afuera, taba bien empañau de la lluvia. Y elli taba ella, toa gayolera faciendo dibuxos comu cualesquier neñu de seyes años... eso... eso... eso faeme sentime gayoleru a mi tamien col solo fechu de mirala, de ver comu siempres hai esperances.

En sele, caltengome un ratu mirando pa ella, cuando la casualidá desvia la mio mirá n'otru sen, una siñora punxi-y setenta y picu, llevaba unos cuantos minutos frenti al so móvil, y ya entamaba a paeceme raro, quiciabes tenia dalgun problema con él, que ya se sabe d'estes nueves tecnoloxies. Con embargu ella nun taba perdia nin muncho menos, llevaba comu 10 minutos xugando a un xuegu del movil, pero non unu cualesquiera, sinon a esos de pasar pantallites y matar a mosntros... si, si... y asina siguió más allá de la mio parada en Fedor City.

H.oder, ¡parau!... quedé parau... nun se si sedrá la gayola que tornó a min, o qu'al paecer, les coses nun son tan males comu les cunten los radicales... h.oder.. esto va bien.